Këngëtarja meksikano-amerikane, Lila Daun, ka nxjerrë kohët e fundit albumin e ri me titull "Shake Away". Ajo fitoi famë me këngën "Burn it Blue", që e kompozoi për filmin "Frida" në vitin 2002. Ky film i kushtohet artistes meksikane Frida Kahlo. Në albumin e saj të ri, Lila Daun këndon me stile të ndryshme në dy gjuhë, anglisht dhe spanjisht. Kritikët e muzikës thonë se ky është albumi i saj më krijues.
Minimum Wage
Kjo është kënga "Minimum Wage", shprehje e gjendjes së vështirë të
shumë imigrantëve meksikanë që vinë në Shtetet e Bashkuara për të gjetur
punë. Lila Daun ka edhe përvojën e saj
në kalimin e kufirit. Ajo lindi në
Oaxaca të Meksikës tek një nënë meksikane dhe një baba amerikan. Ajo filloi të këndonte që kur ishte fëmijë
në Meksikë. Më pas ajo kreu studimet
universitare për muzikë në Shtetet e Bashkuara.
Lila Daun jepte shfaqje e veshur dhe e krehur në stilin e Frida Kahlos, por për albumin e saj të
fundit ajo vendosi ta ndryshonte pamjen duke ndjekur modën e re
meksikane. Ajo thotë se është e kënaqur
për ndryshimin e saj. Kjo është një
këngë tjetër nga albumi "Shake Away" dhe titullohet
"Perro Negro."
Perro Negro
Lila i kompozoi vetë shumë nga këngët e albumit "Shake Away". Por në këtë album ajo ka përfshirë edhe
kompozime të muzikantëve të tjerë të njohur.
Një prej tyre është aranxhimi i saj i këngës së Karlo Santanës
"Black Magic Woman", të cilën ajo e këndon me Raul Midón.
Dhe me këtë këngë, të dashur dëgjues, përfundojmë këtë edicion të Zërit
të Amerikës, duke ju uruar një fund jave të këndëshme.
Black Magic Woman
