Autoritetet në Kaliforni thonë se ekipet e kërkimit kanë gjetur mbeturina të aeroplanit të aventurierit amerikan, Steve Foset.
Zyrtarë të Bordit Kombëtar të Sigurisë së Transportit thanë se aeroplani u gjet mbrëmë në malet Sierra Nevada të Kalifornisë.
Në fillim të kësaj jave, një alpinist në atë zonë gjeti dokumenta identifikimi të zotit Foset.
Autoritetet konfirmuan sot se mbeturinat e gjetura ishin pjesë të aeroplanit me një motor Bellanca të zotit Foset.
Aventurieri amerikan u zhduk vitin e kaluar pasi u nis për një fluturim nga shteti i Nevadës. Në shkurt të këtij viti, një gjykatës e shpalli ligjërisht të vdekur 63 vjeçarin Foset.//lk