Lidhje

Gjykata e Lartë në Tailandë dënon ish kryeministrin Sinavatra


Gjykata e Lartë në Tailandë dënoi ish kryeministrin Taksin Sinavatra me dy vjet burg për konflikt interesash.

Vendimi i sotëm është i pari kundër ish kryeministrit të përmbysur nga një grusht shteti në vitin 2006. Çështja kishte të bënte me një marrëveshje toke që përfshinte gruan e tij, Pojaman Sinavatra të cilën gjykata e nxorri të pafajshme.

As zoti Taksin dhe as zonja Pojaman nuk ishin të pranishëm për vendimin e sotëm. Ata shkuan në Britani dy muaj më parë duke thënë se nuk do të merrnin një gjykim të drejtë.

Zoti Taksin tha sot se e kishte pritur me kohë një vendim të tillë.

Gjykata nxorri një urdhër të ri arresti për ish kryeministrin. Prokurorët tailandezë thanë se do ti kërkojnë Britanisë ta ekstradojnë atë. (ze)

XS
SM
MD
LG