Zjarrëfiksit në shtetin amerikan të Kalifornisë po
vazhdojnë betejën me zjarret e pakontrolluara,
që kanë shkatërruar më shumë se 600 shtëpi dhe kanë detyruar evakuimin e më shumë se 20 mijë vetëve në
pjesën jugore të këtij shteti.
Situata e rënduar e krijuar prej zjarreve pritet që të vazhdojë, si pasojë e thatesires dhe forcës së erës, e cila arrin deri 70 kilometra në orë në zona të caktuara.
Zyrtarët thanë se më shumë se 500 shtëpi lëvizëse u shkatërruan në një komunitet në jugperëndim të Los Angelesit.
Shefi i policisë së Los Anxhelosit shprehu shqetësimin se mund të ketë të vdekur në parkun e shtëpive të lëvizshme, zonë e prekur nga zjarret.
Guvernatori i Kalifornisë Arnold Shvarceneger ka shpallur
gjendjen e emergjencës në Los Angelos dhe në dy zona të tjera administrative të
këtij shteti. //mm//