Lidhje

Protesta në Bagdat kundër marrëveshjes SHBA-Irak


Irakianë të zemëruar nga marrëveshja e sigurisë me Shtetet e Bashkuara dolën në rrugët e Bagdatit dhe dogjën portrete të presidentit George Bush.

Mijëra pasues të klerikut shiit Moktada al-Sadr u mblodhën në sheshin Firdus, duke varur portretin në të njëjtin vend ku qëndronte në vitin 2003 statuja e Sadam Huseinit.

Protestuesit e quajtën marrëveshjen e sigurisë të turpshme dhe poshtëruese. Al-Sadri që besohet të jetë në Iran i dërgoi një mesazh turmës se do të ndihmojë në largimin e forcave amerikane.

Deputetët e pakicës ndërprenë seancën parlamentare të leximit të marrëveshjes. Në se miratohet ashtu siç pritet, marrëveshja do të lejojë që ushtria amerikane të qëndrojë atje për tre vjetë të tjera.

XS
SM
MD
LG