Zoti Bajden tha në Uashington se raporti do të tregojë që personeli i zotit Obama ose ekipi i tranzicionit nuk ka bërë asnjë gabim.
Zoti Obama tha javën e kaluar se nga një shqyrtim i brendshëm doli se midis personelit të tij dhe guvernatorit Bllagojeviç nuk ka patur asnjë kontakt të papërshtatshëm. Presidenti i zgjedhur tha se kishte vendosur t’i mbante të papublikuara këto informacione deri këtë javë me kërkesën e prokurorëve federalë, të cilët shqetësoheshin se publikimi i hollësisve më herët mund të dëmtonte hetimet.
Bllagojeviç u arrestua para dy javësh nën akuzat për korrupsion. Thuhet se ai ishte përpjekur të siguronte përfitime personale për të caktuar personin për të zënë postin e senatorit Obama në Senat. Guvernatori i Ilinoit i ka hedhur poshtë akuzat.