Agjencia amerikane e hapësirës tha se siguria e pajisjeve të përdorura në
bordin e anijes Kolumbia në vitin 2003 nuk mbrojti ekuipazhin në incidentin
gjatë hyrjes në atmosferën e Tokës.
Në një raport prej 700 faqesh, Nasa e quan incidentin një traumë vdekjeprurëse. Të shtatë anëtarët e ekuipazhit u vranë përfshirë astronautin e parë nga Izraeli dhe një tjetër me origjinë indiane.
Raporti thotë se nuk është e qartë në se astronautët pësuan vdekje të menjëhershme apo ishin në gjendje kome për shkak të mungesës së presionit atmosferik para se forca e rrotullimit të anijes ti vriste ata.
Hetuesi i incidentit kërkoi që të gjithë hartuesit e anijeve të hapësirës
të mësojnë nga problemet e identifikuara në raport për të mënjanuar dështime në
të ardhmen. //kk//