Autoritetet serbe liruan me kusht njërin prej 10 ish guerriljeve shqiptare të arrestuar në Serbinë jugore muajin e kaluar nën akuzat për krime lufte gjatë konfliktit të Kosovës në vitet 90-të.
Policia në zonën e Preshevës liroi Muhamed Nuhiun pasi ai pagoi 9 mijë e 400 dollarë. Zoti Nuhiu përballet me akuza për armëmbajtje të paligjshme.
Autoritetet thanë se të gjithë të dyshuarit kishin qënë anëtarë të Ushtrisë Çlirimtare të Kosovës.
Shumica e 10 të ndaluarve akuzohen për vrasjen e të paktën 51 civilëve dhe rrëmbimin e 159 të tjerëve në periudhën qershor-tetor 1999. Akuzat përfshijnë edhe torturë, plaçkitje, dhe përdhunim të civilëve serbë dhe jo-serbë në komunën e Gjilanit në Kosovë. (ze)