Grupi Ndërkombëtar i Krizave thotë se mosmarrëveshja mes Greqisë dhe Maqedonisë në lidhje me emrin e kësaj të fundit po vë në rrezik strategjinë evropiane dhe atë të NATO-s për stabilizimin e Ballkanit perëndimor.
Emrin Maqedoni mban edhe një rajon në Greqinë veriore dhe Athina thotë se ky emër nënkupton pretendime territoriale.
Sot, Grupi Ndërkombëtar i Krizave tha se mosmarrëveshja rrezikon përparimin e arritur që nga marrëveshja e vitit 2001, e cila i dha fund dhunës mes shqiptarëve dhe autoriteteve qeveritare në Maqedoni.
Greqia bllokoi anëtarësimin e Maqedonisë në NATO vitin e kaluar dhe kërcënon të kundërshtojë bisedimet e anëtarësimit të Maqedonisë në Bashkimin Evropian.
Grupi Ndërkombëtar i Krizave u bëri thirrje të dy palëve
të marrin masa për rivendosjen e besimit të dyanshëm. Ai i bëri thirrje
Maqedonisë të pranojë propozimin e Kombeve të Bashkuara për ta ndryshuar emrin
në Republika e Maqedonisë Veriore. //rd//