Ish presidenti amerikan Xhimi Karter tha se marrëdhëniet diplomatike mes Shteteve të Bashkuara dhe Kinës janë më të rëndësishmet në botë.
Zoti Karter i bëri komentet dje gjatë një ceremonie në Pekin me rastin e 30-vjetorit të vendosjes së marrëdhënieve diplomatike zyrtare mes dy ish rivalëve të Luftës së Ftohtë.
Ish presidenti Karter dhe udhëheqësi i atëhershëm kinez Deng Xiaoping e shpallën normalizimin e marrëdhënieve më 1 janar 1979, pas disa vite negociatash të fshehta.
Zoti Karter tha se Presidenti i zgjedhur Barak Obama i kishte kërkuar që t’i transmetonte përshëndetjet e tij personale udhëheqësve kinezë. Ai tha se zoti Obama shprehu angazhimin e tij për të vazhduar respektin e ndërsjellë që dy vendet kanë patur gjatë 30 vjetëve të kaluar.
Në ceremoni mori pjesë gjithashtu Presidenti i Kinës Hu Jintao së bashku me ish diplomatë amerikanë dhe kinezë të cilët luajtën rol në vendosjen e marrëdhënieve. //ii