Në Shqipëri presidenti Bamir Topi vendosi sot të mos hedhë firmën e tij
mbi ligjin e dosjeve duke bërë kështu që ai të hyjë në fuqi
automatikisht. Presidenti duket se ka zgjedhur këtë formë për të
evituar një përplasje të fortë me shumicën e udhëhequr nga kryeministri
Sali Berisha. Ligji i dosjeve i mbështetur vetëm nga të djathtët u
shoqërua me polemika dhe kritika të forta të përfaqësuesve të
komunitetit ndërkombëtar sipas të cilëve ai ngre shqetësime serioze
kushtetuese dhe ligjore.