Komisioni i Ri i Zgjedhjeve u betua sot në parlamentin shqiptar se do
të zbatonte me përkushtim kushtetutën dhe ligjet për të organizuar këtë
verë zgjedhje të lira e të drejta. Kryetari i sapozgjedhur i KQZ, Arben
Ristani, thotë se koha e mbetur deri në qershor është e mjaftueshme për
të organizuar gjithçka sa më mirë. Ai tha se shpresonte që partitë të
mos ndërrojne komisionerët ditën e fundit para zgjedhjeve, dhe që
partitë të vazhdojnë mirëkuptimin mbi çështjet zgjedhore, ashtu si
votuan Kodin e Ri Zgjedhor dhe Komisionin e Ri të Zgjedhjeve.