Lidhje

Udhëheqësit irakianë mbështesin tërheqjen e trupave amerikane


Udhëheqësit irakianë mirëpritën planet e Shteteve të Bashkuara për të tërhequr trupat luftarake amerikane nga Iraku deri në fund të gushtit 2010.

Kryeministri irakian Nuri al-Maliki tha sot se forcat e vendit të tij kanë provuar se janë të gatshme për të marrë në dorë komandën. Ai tha gjithashtu se Shtetet e Bashkuara janë dakord mbi nevojën për të furnizuar Irakun me më shumë armatime dhe pajisje të tjera ushtarake.

Presidenti Barak Obama e informoi zotin Maliki mbi planet e tërheqjes dje, përpara se ta shpallte njoftimin në bazën amerikane të marinsave, Camp Lejeune, në shtetin e Karolinës së Veriut.

Edhe zëvendës kryeministri irakian Tariq al-Hashemi e mirëpriti tërheqjen amerikane dhe tha se Shtetet e Bashkuara ende kanë një përgjegjësi për t'i përgatitur më tej forcat irakiane. //mm//

XS
SM
MD
LG