Zyrtari më i lartë i Serbisë për kërkimin e personave të
akuzuar për krime lufte, tha se Ratko Mlladiçi do të arrestohet para fundit të
këtij viti.
Rasim Ljajiç tha sot se ai e bazon pohimin e tij në informacionet e reja rreth
vendndodhjes së Mlladiçit, personit të shumëkërkuar për krime lufte në Bosnje.
Ai tha gjithashtu se bashkërendimi mes shërbimeve civile dhe atyre ushtarake e
të zbulimit është përmirësuar.
Sipas zotit Ljajiç, është në interes të Serbisë që të
bashkëpunojë me Gjykatën e Hagës për krimet e luftës në ish Jugosllavi.
Ish komandanti i serbëve të Bosnjes, Mlladiç kërkohet për
krime lufte që nga viti 2005, kur Haga ngriti akuzat ndaj tij. Këto akuza përfshijnë gjenocid që lidhet me
rolin e tij në sulmet kundër civilëve të Bosnjes. Autoritetet besojnë se ai
qendron i fshehur në Serbi.
Ish udhëheqësi i serbëve të Kroacisë, Goran
Haxhiç është personi tjetër ndër më të kërkuarit i akuzuar nga Gjykata e Hagës
për krime lufte.//mm//