Presidenti Barak Obama i ka kërkuar guvernatores së shtetit Kansas, Kathleen Sebelius, të drejtojë Departamentin e Shëndetësisë.
Njoftimet e medias amerikane citojnë zyrtarë të paidentifikuar të administratës
sipas të cilëve Sebelius e ka pranuar ofertën e zotit Obama dhe se Presidenti
do ta shpallë emërimin e saj nesër.
Në postin e saj të ri, zonja Sebelius pritet të drejtojë përpjekjet e
administratës për reformimin e sistemit shëndetësor amerikan.
Në propozimin e tij për buxhetin e vitit financiar 2010, Presidenti Obama ka
caktuar 634 miliard dollarë brenda 10 vjetëve të ardhshëm për zgjerimin e kujdesit shëndetësor. Presidenti pritet gjithashtu të kryesojë një
takim për reformën shëndetësore javën e ardhëshme në Shtëpinë e Bardhë.
Zonja Sebelius ka qenë mes kandidatëve kryesorë për postin në fjalë pas
tërheqjes së kandidaturës për këtë post të ish senatorit Tom Daschle kur u
zbulua se ai nuk kishte paguar taksa në masën 140 mijë dollarë.//mm//