OSBE-ja filloi zyrtarisht misionin e saj vëzhgues në prag të zgjedhjeve parlamentare në Mal të Zi, që zhvillohen më 29 mars.
Në një deklaratë të saj, Organizata për Sigurimin dhe Bashkëpunimin në Evropë thotë se ky grup po dërgon në prag të votimeve, 13 ekspertë ndërkombëtare dhe 14 vëzhgues afatgjatë në kryeqytetin Podgoricë. Vëzhguesit do të ndjekin nga afër punën e administratorëve të zgjedhjeve dhe enteve qeveritare, si dhe fushtatat zgjedhore, mbulimin nga ana e shtypit dhe zgjidhjen e mosmarrëveshjeve, që lidhen me fushatën.
Në deklaratën e OSBE-së thuhet se rreth 100 vëzhgues afatshkurtër do të mbërrijnë në Mal të Zi pak para ditës së votimeve për të parë nga afër hapjen e qëndrave të votimit, mënyrën e votimit, dhe listën e rezultateve.