Në Maqedoni, fushata parazgjedhore po zhvillohet e qetë; madje edhe retorika e partive politike shqiptare është më e butë, në krahasim me zgjedhjet e vitit të kaluar. Si partitë maqedonase, po ashtu edhe ato shqiptare, ndër çështjet kryesore në këtë fushatë kanë atë të emrit të Maqedonisë, të kontestuar nga Greqia fqinje, më pas gjendja ekonomike dhe përfaqësimi i drejtë i shqiptarëve në institucionet shtetërore. Zgjedhjet presidenciale dhe vendore mbahen më 22 mars.
