Në Shqipëri, avokati i Popullit Ermir Dobjani ngriti sot një sërë
shqetësimesh lidhur me procesin e pajisjes së qytetarëve me
letërnjoftime. Sipas vrojtimeve të bëra nga zyra e tij, ka mangësi në
regjistrin e gjendjes civile si dhe probleme me sistemin e kompanisë
franceze të prodhimit të kartave ndaj të cilave ai lëshoi akuza për
mungesë transparence. Po sot parlamenti miratoi ngritjen e një
komisioni të posaçëm parlamentar që do të ndjekë nga afër procesin e
zbatimit të kodit zgjedhor.