Një gjykatë në Bagdad dënoi me tri vjet burgim gazetarin që tentoi të
qëllonte me këpucë ish Presidentin amerikan, Xhorxh Bush.
Dënimi i indinjoi përkrahësit e i gazetarit Muntazer al-Zaidi, i cili nuk pranoi
fajësinë kur iu cituan akuzat për sulmin ndaj një udhëheqësi të huaj.
Avokatët e tij thanë se do ta apelojnë dënimin. Zoti Zaidi përballej me një dënim deri në 15
vjet burgim për sulmin ndaj një udhëheqësi të huaj.
Ai i tha gjykatës sot se veprimi i tij ishte një reagim i natyrshëm dhe bëri
atë që do të bënte çdo irakian.Kur doli
para gjykatës muajin e kaluar, gazetari tha se deklarata e presidentit për
“fitore” dhe buzëqeshja e tij e pashpirt, siç u shpreh ai, ishin të tepërta pas
disa vjet lufte dhe shkatërimesh që pas
pushtimit të vendit të udhëhequr nga Shtetet e Bashkuara.
Kryetari i organizatës Gazetarët pa Kufij, Zhan Fransua Xhyjard, i tha Zërit të
Amerikës se veprimet e zotit Zaidi nuk meritojnë dënim me burgim.//iç//