Udhëheqësi francez theksoi marrëdhëniet e ngushta mes dy vendeve, duke nënvizuar se ai dhe Presidenti Obama do të takohen përsëri në qershor në rajonin e Normandisë për të shënuar përvjetorin e zbarkimit të trupave aleate atje. Zoti Sarkozi vlerësoi deklaratën e djeshme të zotit Obama dhe homologut të tij rus Dimitri Medvedev mbi planet për rifillimin e bisedimeve për të zgjatur afatin e traktatit që kufizon armët bërthamore me rreze të gjatë veprimi.
Zoti Obama theksoi nevojën e dialogut me Rusinë, por ai përsëriti gjithashtu kritikat e tij ndaj ofensivës ushtarake ruse në Gjeorgji vitin e kaluar. Presidenti amerikan u ndal edhe tek rëndësia e mbrojtjes së autonomisë së të gjitha vendeve evropiane. Por të dy udhëheqësit nënvizuan rëndësinë e masave për të mos lejuar që Irani të shtjerë në dorë armë bërthamore dhe për të bindur Korenë e Veriut të ndalë planet për hedhjen e një rakete.
Zoti Obama ndodhet në Strasburg për takimin 2-ditor të NATOs. //ad//