Lidhje

Papa Benedikti bën thirrje për paqe në Festën e Pashkëve


Papa Benedikti bëri sot thirrje për paqe në Lindjen e Mesme dhe Afrikë gjatë meshës së Pashkëve, ndërsa të krishterët nëpër botë festojnë ringjalljen e Jezukrishtit.

Dhjetëra mijëra pelegrinë u mblodhën në Sheshin e Shën Pjetrit për të dëgjuar mesazhin e Pashkëve nga Papa Benedikti.

Ati i Shenjtë, i cili do të vizitojë Lindjen e Mesme muajin e ardhshëm tha se do të çojë në rajon mesazhin e shpresës dhe pajtimit.

Ai po ashtu shprehu keqardhje për mungesën e ushqimit në botë, krizën financiare, varfërinë dhe luftrat si dhe konfliket pa fund në kontinentin afrikan.

Papa dha gjithashtu lutje të veçanta për viktimat e tërmetit të javës së kaluar në Italinë qendrore.

Pelegrinët e krishterë po kështu u mblodhën në Jeruzalem për të festuar Pashkët në vendin ku mendohet që Jezukrishti u kryqëzua dhe më pas u ringjall. //ek

XS
SM
MD
LG