Udhëheqësit politikë të Kosovës thanë sot se Shqipëria dhe Kosova janë
dy shtete të pavarura dhe si të tilla do të integrohen në strukturat
euro-atlantike. Ata i bënë këto komente gjatë takimeve me pretendentin
e fronit mbretëror të shqiptarëve Leka Zogu i Parë, i cili tha gjatë
vizitës që po zhvillon në Kosovë se kufijtë e saj me Shqipërinë janë
vetëm një vijë në hartë, ndërsa të dy vendet tashmë janë të bashkuara
si gishtat e një dore.