Lidhje

Irak: Arrestohet një udhëheqës i lartë i kryengritësve suni


Dy shpërthime vetëvrasëse në Irak shkaktuan të paktën 75 të vrarë në një prej ditëve më të dhunshme në vend në më shumë se një vit.

Në shpërthimin më vdekjeprurës, autori i sulmit hodhi në erë eksplozivin në një restorant në provincën e trazuar të Dijalës. Të paktën 47 veta u vranë, mes tyre edhe peligrinë iranianë shiitë.

Në Bagdad, policia tha se të paktën 28 veta u vranë sot nga një shpërthim, që kishte në shënjestër një patrullë të policisë afër sheshit Taharijat të kryeqytetit. Zyrtarët thanë se forcat policore po shpërndanin ndihma për familjet e shpërngulura kur autori i njërit prej sulmeve hodhi veten në erë. Zyrtarët e sigurimit thanë se mes të vrarëve ka pasur edhe fëmijë.

Ndërkaq, agjencia e lajmeve Associated Press njoftoi sot se qeveria irakiane thotë se mbi 87 mijë Irakianë kanë humbur jetën nga dhuna që nga viti 2005. Kjo agjenci lajmesh bëri të ditur se e mori këtë informacion nga një zyrtar irakian, që kërkoi të mos identifikohej.

Po sot, autoritetet në Bagdad njoftuan kapjen e një udhëheqësi të lartë të kryengritësve suni.

Një zëdhënës i ushtrisë tha sot se Abu Omar al-Baghdadi, i cili mendohet të jenë kreu i organizatës Shteti Islamik i Irakut, një grup që ka lidhje me al-Kaidën, u arrestua në Bagdad.//mm//

XS
SM
MD
LG