Problemet e pronave, emigracioni dhe ardhmëria turistike janë ndër çështjet më të debatuara në zonën jugore të Shqipërisë. Por emigracioni ka shkaktuar probleme në disa nga fshatra të Rivierës shqiptare. Banorët e Dhërmiut dhe Vunoit thonë se largimi i të rinjve jashtë vendit krahas plagëve sociale kë lënë mjaft të prapambetur zhvillimin ekonomik dhe të turizmit. Emigracioni ka shkaktuar ndërkaq edhe migrimin brenda vendit. Kohët e fundit banorët shprehen më optimistë për ndërtimin e rrugës Vlorë - Sarandë, por sipas tyre kompanitë duhet të zbatojnë me saktësi projektin e kësaj rruge.