Presidenti i Shqipërisë Bamir Topi tha se realizimi i zgjedhjeve sipas standarteve ndërkombëtare do të dëshmonte stabilitetin politik në vend.
Presidenti Topi i bëri këto komente gjatë një takimi me kongresmenin amerikan Eliot Engëll. Sipas kreut të shtetit shqiptar ecuria pozitive e situatës parazgjedhore në vend, përfundimi me sukses i pajisjes së shtetasve shqiptarë me karta identiteti,si dhe realizimi i zgjedhjeve të drejta e të pakontesueshme parlamentare të 2009-ës për Shqipërinë, do të jenë tregues të qartë të stabilitetit të konsoliduar politik në vend.
Nga
ana e tij kongresmeni
amerikan Eliot Engel, vuri në
dukje rolin moderator të Shqipërisë dhe faktorit shqiptar në rajon, për
ruajtjen dhe forcimin e paqes e qëndrueshmërisë afatgjatë në Ballkan, –
në një rajon, i cili, sic theksoi ai, pas shpalljes së pavarësisë së
Kosovës dhe
krijimit të një shteti të ri shumëetnik e demokratik që respekton të
drejtat e të gjitha pakicave, është projektuar i tëri drejt integrimit
euroatlantik.