Në Shqipëri Partia Socialiste i drejtori sot kritika të forta
Komisionit Qëndror të Zgjedhjeve, duke e akuzuar atë se nuk po luan
rolin e arbitrit të paanshëm, por atë të një institucioni politik.
Akuzat e socialistëve pasuan debatet e ashpra mbrëmë lidhur me disa
vendime të marra me votën e përfaqësuesve të djathtë në komision. Por
zëdhënësi, Leornard Olli, i tha Zërit të Amerikës se KQZ po zbaton
vetëm kodin. Ndërkaq ambasadori i OSBE-së kërkoi angazhim të paanshëm
nga policia në procesin zgjedhor, të cilin ai sërish e konsideroi si
një provë kyçe për Shqipërinë.