Lidhje

Të paktën 6 civilë të vrarë nga luftimet në Bregun Perëndimor


Zyrtarët palestinezë thonë se luftimet mes forcave të sigurisë besnike të Presidentit Mahmud Abas dhe militantëve të Hamasit në Bregun Perëndimor kanë shkaktuar vdekjen e gjashtë personave.

Dhuna shpërtheu sot, kur forca e policisë e mbizotëruar nga lëvizja Fatah e zotit Abas bastisi një shtëpi në qytetin Kalkilia në veri të Bregut Perëndimor, për të arrestuar dy militantë.

Palët shkëmbyen zjarr për disa orë në një betejë që shkaktoi vrasjen e tre policëve, të dy anëtarëve të Hamasit dhe një përkrahësi të lëvizjes që ndodhej atje. Një nga militantët ishte një nga udhëheqësit e krahut ushtarak të Hamasit që ishte përfshirë në listën izraelite të personave më të kërkuar.

Ishte beteja më vdekjeprurëse në Bregun Perëndimor që kur presidenti palestinez që gëzon mbështetjen e Perëndimit urdhëroi një aksion kundër militantëve atje në vitin 2007. Para disa muajsh, Hamasi mori kontrollin e Rripit të Gazës nga forcat e zotit Abas. //mm//

XS
SM
MD
LG