Drejtoresha e USAID-it në Shqipëri Roberta Mahoni tha sot se vendi duhet të japë prova të qarta dhe bindëse për reduktimin e korrupsionit në mënyrë që të kualifikohet për asisitencë të mëtejshme nga Shtetet e Bashkuara në kuadër të Llogarisë së Mijëvjeçarit.
Zonja Mahoni, duke folur në ceremoninë e hapjes së Qendrës Kombëtare të Licensimit e cila redukton në një ditë të gjitha procedurat e biznesve për liçensim, tha se "tashmë si anëtare me të drejta të plota në Nato, Shqipërisë do t'i kërkohet një punë më e mirë në kontrollin e korrupsionit që mbetet ende një problem serioz në vend. Nato pret një qeverisje më të mirë nga anëtarët e saj për të ndëshkuar korrupsionin në mënyrë të drejtë dhe të paanshme", tha ajo.
Zonja
Mahoni kujtoi angazhimin e Shqipërisë për të luftuar korrupsionin duke
përmendur zotimin e qeverisë për për të reformuar procesin e
planifikimit urban si dhe të licensimit që është mjaft i prekur nga
korrupsioni, sic u shpreh ajo si dhe riorganizimin e administratës
tatimore. Drejtoresha e USAID-it përmendi
gjithashtu nevojën që gjykatat administrative të jenë të pavrura dhe
kompetenete në zgjidhjen e cështjeve mes privatit dhe shtetit. Sipas
zonjës Mahoni duhet të realizohet edhe angazhimi i policisë dhe
prokuorisë për hetime më të mira për aktivitet kriminale dhe korruptive
si dhe që të gjitha shkeljet të ndiqen dhe ndëshkohen si duhet nga
ligji. //rd//