Për të kujtuar kontributin e veçantë dhe ndihmën e vazhdueshme që kanë dhënë Shtetet e Bashkuara për Kosovën gjatë luftës, në shpalljen e pavarësisë së saj, e më pas në ndërtimin e shtetit të ri, Muzeu i Kosovës kohët e fundit po punon për një projekt të ri, të quajtur "Amerika për Kosovën". Projekti përfshin një seksion të veçantë ekspozicionesh, me temën e Shteteve të Bashkuara. Në këtë kuadër, në Washington ndodhet për një vizitë Drejtori i Muzeut të Kosovës, Arbër Hadri, i cili dha një intervistë për emisionin "Ditari".