Presidenti i Republikës së Kosovës, Fatmir Sejdiu, dekoroi sot me
Medaljen e Artë për Shërbim Civil në Kosovë, ambasadoren e Shteteve të
Bashkuara në Prishtinë, Tina Kaidanov.
Kjo
medalje që sipas kushtetutës u jepet qytetarëve të Kosovës dhe të huaj
që kontribuojnë në shërbimet civile të Kosovës, zonjës Kaidanov iu nda
për, siç thuhet në dekretin e presidentit Sejdiu, "kontributin e
veçantë të dhënë për lirinë dhe pavarësinë e Republikës së Kosovës dhe
ndërtimit të shoqërisë dhe shtetit demokratik".
Ambasadorja Kaidanov e
ka siguruar presidentin Sejdiu se Shtetet e Bashkuara të Amerikës do të
jenë edhe në të ardhmen përkrah institucioneve dhe popullit të
Republikës së Kosovës. Zonja Kaidanov i jep fund këto ditë misionit të
saj në Kosovë. Në këtë post atë do ta zëvendësojë ambasadori Kristofer Dell, i cili gjatë viteve 2000-2001, ishte shef i Zyrës së
Shteteve të Bashkuara të Amerikës në Kosovë. //iç//