Ish sekretari amerikan i Mbrojtjes, i cili konsiderohej arkiteti i Luftës së Vietnamit, Robert Makamara, vdiq sot në Uashington në moshën 93 vjeçare. Maknamara mori postin e Sekretarit të Mbrojtjes në vitin 1961 në administatën e Presidentit Xhon Kenedi. Ai e mbajti këtë post edhe nën presidentin Lindon Bajns Xhonson.
Emri i tij është i lidhur ngushtë me përpjekjen e dështuar të Shteteve të Bashkuara për të parandaluar përhapjen e komunizmit në Vietnam, konflikt që njihet si “lufta e Maknamarës”.
Me kalimin e viteve, Maknamara u shpreh për rezervat që kishte lidhur me këtë luftë, duke thënë se nuk kishte besuar se fushata e bombardimeve amerikane në Vietnamin e Veriut do të ishte e suksesshme.
Megjithatë, Maknamara nuk e
ndryshoi kursin e luftës. Maknamara mbeti më i njohur si sekretar
i Mbrojtes gjatë një lufte kontradikore, por më vonë ai shërbeu edhe si
president i kompanisë të makinave Ford dhe më vonë si president i Bankës
Botërore. //iç//