Përfaqësues të agjencive të Kombeve të Bashkuara dhe organizatave joqeveritare në Kosovë, bënë thirrje për veprime të menjëhershme të bazuara në të drejtat themelore të njeriut, për të parandaluar mundësinë që kriza aktuale ekonomike të thellojë varfërinë e gjeneratave të reja. Në debatet që po mbahen në kuadër të shënimit të ditës botërore të popullsisë, veprimtarët humanitarë thanë se gratë dhe fëmijët janë kategoritë më të rrezikuara në kohë krizash, ndërsa zgjidhja më e mirë është investimi në gratë dhe vajzat e reja.