Në Shqipëri Komisioni Qendror i Zgjedhjeve rrëzoi sot me votat e anëtarëve të propozuar nga e djathta, kërkesën e Partisë Socialiste për rivlerësimin e disa zonave në qarkun e Tiranës.
Së bashku me kërkesën e Partisë Socialiste u hodhën poshtë edhe kërkesat e dy partive të tjera, të cilat gjithashtu u konsideruan si të pambështetura në prova.
Një ditë më parë Komisioni kishte hedhur gjithashtu poshtë një kërkesë të ngjashme nga Partia Socialiste edhe për Beratin.
Mbledhja e sotme për çështjen e Tiranës u shoqërua nga debate të shumta edhe sepse nuk u mor parasysh kërkesa e dy anëtarëve Komisionit Qendror, të cilët sipas kodit zgjedhor mund të kërkojnë marrjen e provave.
Socialistët kanë parlajmëruar se do bëjnë ankimim si për Beratin ashtu dhe për Tiranën në Kolegjin Zgjedhor. //ii