Ka një vit që Kei Rajën shërben si poete laureate e Amerikës, titull nderi që Libraria e Kongrersit i jep poetit më të mirë, i cili shërben si përfaqësues, ose ambasador i poezisë amerikane. Rajën ka botuar rreth 10 libra me përmbledhje poemash, plot me vargje të gjalla, jetike për shpirtin, siç shprehet ajo.
Korridoret e heshtura të librarisë së Kongresit, ku poetja e 16 kombëtare Kei Rajën ka zyrat e veta, duket një vend krejt ndryshe nga vendi ku ka punuar e jetuar, nga lugina San Joaquin e Kalifornisë, e njohur për ajrin e pastër, oqeanin pa pufi, e njerëz të shkujdesur që gjithmonë nxitojnë për diku.
"Të them të drejtën, unë nuk doja të isha poete, - tregon
Rajën. - Në shumë raste e ndjej veten ngushtë. Ndërsa njerëzit tregojnë ato
që mendojnë, poeti shpreh atë që ndjen dhe mendon nga brendësia më e
thellë,"- thotë ajo.
Rajën lindi në vitin 1945. Rinia e saj përkoi me vitet 1960, kur poezia e shprehjes së ndjenjave nga më personalet ishte në modë. Ky nuk ishte stili i saj.
“Mua më pëlqen kontrolli i vetvetes, kur
njeriu flet me mend e urtësi. Prandaj në vitet 1970, unë nuk doja të
isha poete. Por ndjeja se poezia po më tërhiqte. Merrja një libër, e
lexoja dhe vetëvetiu proza shndërrohej në vargje”,- thotë ajo.
Poezitë e saj tregojnë se Rajën ka një imagjinatë të rrjedhëshme herë të qetë dhe herë shpërthyese. Në vitin 1976, Kei Rajën e kuptoi përfundimisht se poezia ishte pasioni i saj. Ndërsa po shëtiste me biçikletë në Malet "Rocky", tregon Ryan, ajo ndjeu se diçka kishte ndodhur brenda saj, diçka e mistershme, sepse pas kësaj, ndjeu një dëshirë e aftësi të jashtëzakonëshme e të pafund për të shkruar poezi.
Deri tani, Ryan ka botuar rreth 10 libra me poezi, ndërsa në vitet 1990, filloi të bëhej e njohur në mbarë vendin. Ajo ka qënë mësuese e gjuhës angleze në kolegjin Marin në Kaliforni. Ndryshe nga shumë poetë Laureatë, Rajënit nuk i pëlqen jeta akademike; ajo në zyrë. Madje ajo nuk donte të pranonte as titullin e poetes laureate.
Rajën thotë se i pëlqen jeta e
mbyllur private, sepse vetëm kështu mund të shkruajë e qetë. Roli i
poetes laureate të Amerikës është për të nxitur e përkrahur poezinë.
Por Rajën thotë se poezia nuk ka nevojë për mbrojtje. Ajo e krahason
poezinë me monedhën e artë, që edhe kur humb a mbulohet me baltë,
gjithmonë e ruan vlerën e vet, madje çmohet më shumë.//lk