Drejtori i Rezervës Federale, Ben Bernanke shprehu besimin se ekonomia amerikane do të përjetojë një zhvillim të madh brenda pak vjetësh.
Por në afatin e shkurtër, zoti Bernanke tha se shkalla e tanishme e zhvillimit nuk është e mjaftueshme për të ulur papunësinë.
Drejtori i Bankës Qëndrore parashikon një shkallë të ulët inflacioni gjatë dy vjetëve të ardhshëm.
Ai tha se Rezerva Federale po bën ç'është e mundur për të përballuar krizën më të rëndë financiare që nga depresioni i madh i viteve 1930-të.
RRITET SHITJA E SHTEPIVE TË REJA
Qeveria amerikane thotë se shitjet e shtëpive në Shtetet e Bashkuara shënuan në qershor rritjen më të madhe në afro 9 vjet.
Një
raport i Departamentit të Tregtisë i publikuar sot thekson se u shënua
një rritje në masën 11 për qind gjatë muajit të kaluar krahasuar me
shitjet në maj. Rreth 384 mijë shtëpi të reja u shitën gjatë qershorit,
një shifër shumë më e lartë se ç’parashikonin ekonomistët.
Në
maj u shitën 346 mijë shtëpi të reja. Për herë të fundit një rritje kaq
dramatike krahasuar me një muaj më parë u shënua në dhjetor të vitit
2000.
Disa ekonomistë e konsiderojnë rënien e tregut të
shtëpive si një ndër faktorët që çoi në krizën globale financiare.
Raporti i sotëm ishte një shenjë e re se tregu i shtëpive mund të jetë
drejt përmirësimit.
Shitjet e shtëpive të reja në Shtetet e Bashkuara kanë shënuar rritje për të tretin muaj me radhë. //II