Autoritetet amerikane ngritën dy ditë më parë akuza kundër 7 personave për të cilët thonë se kishin plane për të ndërmarrë sulme terroriste jashtë vendit. Ata akuzohen se janë përpjekur për t’u siguruar mbështetje materiale terroristëve, si dhe për të vrarë, rrëmbyer e plagosur persona jashtë vendit. Njëri prej tyre është Hysen Sherifi, nga Gjilani me banim në Shtetet e Bashkuara. Familjarët e të akuzuarit e kanë të vështirë të besojnë se Hyseni të jetë përfshirë në veprimtari të tilla.