Rreth 100 aktivistë iranianë dhe të moderuar filluan gjyqin sot nën akuzat që lidhen me protestat masive pas zgjedhjeve të debatueshme presidenciale.
Agjencia gjysmë-zyrtare e lajmeve Fars publikoi imazhet e të pandehurve në një sallë gjykimi të Teheranit, ku disa prej tyre ishin me duar të lidhura.
Agjencia e lajmeve IRNA thotë se të pandehurit akuzohen mes tjerash për konspiracion kundër regjimit në pushtet.
Njoftimet e lajmeve thonë se disa nga figurat kryesore politike i kanë tërhequr deklaratat e tyre se votimet e qershorit ishin manupuluar.
Agjencia Fras njofton se ish zëvendës presidenti Mohamed Ali Abtahi thotë se akuzat për manipulimin e votimeve në rizgjedhjen e presidentit Ahmadinexhad ishin të pabaza.
Ndërkohë, avokati i zotit Abtahi, Sali Nikbakt, i tha Zërit të Amerikës se nuk ishte lajmëruar paraprakisht për gjyqin dhe se nuk ishte lejuar të hynte në sallën ku zhvillohej seanca./ap