Komentet e fundit nga kabineti i presidentit maqedonas
Gjorgje Ivanov se Maqedonia do të vendosë marrëdhënie diplomatike me Kosovën
atëherë kur të përfundojë dhe shënimi i milimetrit të fundit të
vijës kufitare në mes dy vendeve, ka nxitur pakënaqësi tek shqiptarët në
Maqedoni dhe komente të analistëve në Shkup. Këta të fundit vlerësojnë se
Shkupi po bën një politikë të jashtme të pakonsoliduar, ndërkohë që vendosja sa
më parë e marrëdhënieve diplomatike me Prishtinën shkon në të mirë të rajonit
dhe është në përputhje me kërkesat e komunitetit ndërkombëtar, komentojnë ata.