Guvernatori i Bankës Qendrore të Shqipërisë, Ardian Fullani tha se qeveria duhet të respektojë nivelin e parashikuar të deficitit buxhetor i cili ka pësuar një rritje të ndjeshme gjatë këtij viti. Gjatë një deklarimi për mediat guvernatori Fullani deklaroi se gjatë tremujorit të dytë të vitit janë vënë re shenja pozitive në situatën ekonomike, por shtoi ai treguesit e saj janë ende në nivelet më të ulta historike dhe nën mesataren e tyre afatgjatë.