Ligji për nëpunësit shtetërorë në Maqedoni synon të rregullojë mënyrën e punësimit dhe të profesionalizojë ngritjen e pjesëtarëve në administratën shtetërore, ku aktualisht secila parti që vjen në pushtet bën lëvizjen e rreth dy mijë nëpunësve nga vendet e tyre të punës. Reformat në këtë fushë duken tepër të vështira ndonëse pushteti është shprehur i gatshëm të pranojë disa nga sugjerimet e opozitës.