Lidhje

Venezuela do të njohë Osetinë Jugore dhe Abkazinë


Presidenti venezuelian Hugo Çavez thotë se tani do t’i njohë rajonet separatiste të Osetisë Jugore dhe Ambazisë si vende të pavarura.

Zoti Çavez tha sot se Venezuela do të vendosë së shpejti marrëdhënie diplomatike me dy republikat. Ky njoftim u bë gjatë një takimi në rezidencën në periferi të Moskës të Presidentit rus Dmitri Medvedev.

Venezuela ju bashkua kështu Rusisë dhe Nikaraguas si të vetmet vende që njohim pavarësinë e Abkazisë dhe Osetisë Jugore, pas luftës mes Rusisë dhe Gjeorgjisë vitin e kaluar. Shumica e vendeve të botës ende i konsiderojnë këto dy rajone si pjesë të Gjeorgjisë.

Zoti Medvedev e falënderoi zotin Çavez për vendimin, duke thënë se Rusia njeh të drejtën e çdo vendi sovran për njohejn, apo jo të një shteti të ri. Por, shtoi ai, vendi i tij nuk është indiferent ndja fatit të këtyre dy shteteve.

Në Uashington, një zyrtar i Departamentit të Shtetit ritheksoi mbështetjen amerikane për integritetin territorial të Gjeorgjisë. Dhe se Shtetet e Bashkuara po përqëndrohen tek stabilizimi i rajonit dhe riintegrimi i Abkazisë dhe Osetisë Jugore në Gjeorgji. (ze)

XS
SM
MD
LG