Lidhje

SHBA: Gati projektligji për reformën në shëndetësi


Një grup ligjvënësish amerikanë pritet të paraqesin projektligjin për reformën në kujdesin shëndetësor këtë javë me shpresë se ai do të kënaqë si demokratët ashtu edhe republikanët.

Anëtarët e Komisionit të Senatit për Financat kanë negociuar një version të projektligjit, por ligjvënës republikanë të opozitës janë ankuar se demokratët nuk po kërkojnë zgjidhje dypartiake.

Në një fjalim para Kongresit javën e kaluar, presidenti Barack Obama e cilësoi propozimin e tij prej 900 miliardë dollarësh që do të përfshijë një mundësi të një kompanie shtetërore sigurimesh, një mundësi publike.

Senatori republikan Lindsey Graham tha sot në televizion se fjalimi i presidentit tregoi pak shënja kompromisi. Zoti Graham dhe republikanë të tjerë kanë kritikuar reformat se po kushtojnë shumë dhe se kujdesi shëndetësor mund të merret në kontroll nga qeveria.

Në një intervistë tjetër, zëdhënësi i presidentit Obama, Robert Gibbs dhe këshilltari i tij David Axelrod tha se një kompani shtetërore nuk do të ishte mënyra e vetme për të dhënë sigurime shëndetësore për gati 45 milionë amerikanë që tani janë të pasiguruar.

XS
SM
MD
LG