Ndërsa virusi H1N1 po përhapet me shpejtësi në Hemisferën Veriuore, mjekët dhe profesionistët e tjerë të kujdesit shëndetësor përballen me punë më të ngarkuar sesa zakonisht.
Edhe pa një pandemi të gripit, studimet tregojnë se gati 60 përqind e mjekëve në Shtetet e Bashkuara vuajnë deri në një farë mase nga mbingarkesa emocionale dhe fizike.
Në rubrikën e Zërit të Amerikës me të reja nga mjekësia, ditën e martë mund të ndiqni një material që shpjegon se stresi mbi mjekët mund të shkaktojë gabime mjekësore kështu që universitetet që përgatisin mjekët e ardhshëm në Amerikë po kërkojnë për mënyra për të lehtësuar punën e tyre.