Kryeministri i Shqipërisë, Sali Berisha, përfundoi sot vizitën dyditëshe në Kosovë gjatë së cilës vlerësoi se pavarësia e shtetit të ri është faktor thelbësor për paqen e qëndrueshmërinë në rajon. Kryeministri Berisha tha se Shqipëria si anëtare e NATO-s nuk do të jetë pjesë e forcave paqeruajtëse në Kosovë, por do të vazhdojë të mbështesë ngritjen e Forcës së Sigurisë dhe kthimin e personave të zhvendosur në vend.