Në Shqipëri Partia Socialiste vendosi të ankimojë në Gjykatën
Kushtetuese marrëveshjen për kufirin detar me Greqinë të firmosur nga
Qeveria shqiptare. Një veprim i tillë mund të bëjë që ratifikimi nga
parlamenti të shtyhet deri në shprehjen e kësaj gjykate për këtë
çështje. Po sot socialistët reaguan edhe ndaj raportit të Komisionit
Europian për Shqipërinë duke u shprehur se ai është një pasqyrë
realiste e krizës së demokarcisë në vend.