Policia irakiane thotë se tre njerëz janë vrarë dhe dhjetëra janë plagosur në tre shpërthime thuajse të njëkohëshme në afërsi të vendeve të shenjta shite në qytetin e Kerbalës.
Autoritetet thanë se shpërthimet ndodhën në kohën e lutjeve të mbrëmjes të mërkurën. Të paktën 40 njerëz u plagosën nga shpërthimet. Më herët të mërkurën, tetë njerëz u vranë dhe 14 të tjerë u plagosën kur grabitës të armatosur sulmuan një teg në një lagje shiia në Bagdat. Policia thotë se predha mortajash ose raketash shpërthyen në tregun e njohur në distriktin Shula para se personat e armatosur sulmuan dyqanet dhe argjendaritë e atij tregu.
Ndërkohë një raport i fundit nga ministria irakiane e të drejtave të njeriut thotë se 85 mijë njerëz janë vrarë në dhunë ndërmjet 2004 dhe 2008. Raporti nuk bën dallime mes civilëve dhe të tjerëve. Raporti fajëson grupet e jashtëligjëshme për akte terroriste si shpërthimet, atentatet, grabitjet dhe lëvizjet e detyruara. //kh//