Sllovenia tha se një propozim për të afruar datën e heqjes së vizave për
qytetarët e Serbisë, Malit të Zi dhe Maqedonisë është hartuar për të lejuar
qytetarët të udhëtojnë lirisht gjatë sezonit të Krishlindjeve dhe Vitit të Ri.
Ministria e Jashme sllovene lëshoi sot një deklaratë, një ditë pasi zyrtarët sllovenë bënë thirrje për heqjen e kufizimeve më 9 dhjetor dhe jo në 1 janar të 2010 siç ishte propozuar nga Komisioni Evropian. Zyrtarët njoftuan planin në një takim të Këshillit të Bashkimit Evropian dje.
Propozimi do të shqyrtohet nga Parlamenti Evropian dhe Këshilli i Bashkimit Evropian dhe do të miratohet ndoshta para fundit të këtij muaji.
Në se projekt-ligji miratohet kjo do të shpejtonte
zgjerimin e të ashtuquajturës zona Shengen, zonë ku nuk kërkohen viza apo
pasaporta për të kaluar kufijtë nga toka, deti apo ajri. //ad//