Lufta kundër korrupsionit dhe realizimi i reformave në sistemin e
drejtësisë dhe administratën publike, duket se janë disa nga sfidat
kryesore me të cilat do të ndeshet Shqipëria në muajt e ardhshëm në
rrugën e saj drejt anëtarësimit në BE. Një prej fenomeneve për të cilat
Shqipëria është kritikuar vazhdimisht është ai i korrupsionit siç
tregoi edhe raporti i djeshëm i organizatës Transparency International.
Por cili është ndikimi i tij për aspiratat e Shqipërisë për t'u pranuar
si vend kandidat për Bashkimin Evropian? Në programin televiziv Ditari, Zëri i Amerikës zhvilloi një intervistë me
zëvendës ministren e jashtme zonjën Edith Harxhi.