Shqipëri: Dita e dytë e protestës së opozitës për hapjen e kutive të votimit

Në Shqipëri vazhdon prova e forcës mes qeverisë dhe opozitës për çështjen e zgjedhjeve. Ndërsa opozita është në ditën e dytë të protestës para selisë së qeverisë, kryeministri Sali Berisha përsëriti edhe një herë se as që bëhet fjalë për hapjen e kutive. Pas tij kryetari socialist Edi Rama gjithashtu këmbënguli se opozita nuk tërhiqet nga kërkesa e saj dhe se protesta është vetëm në fillimin e saj.