Zyrtarët indonezianë të transportit thanë se të paktën 29 njerëz kanë vdekur, por më shumë se 240 të tjerë u shpëtuan sot pas fundosjes së një trageti pranë ishullit Sumatra.
Përpjekjet e shpëtimit për më shumë të mbijetuar janë ndërprerë deri nesër në mëngjes.
Numri i njerëzve në bord nuk është i qartë dhe disa njoftime thonë se trageti ishte i mbushur mbi kapacitetin e 273 pasagjerëve.
Drejtori i përgjithshëm i transportit detar tha se 213 pasagjerë ishin në listën e udhëtarëve. Ai tha se ndryshimi mes numrit të pasagjerëve në listë dhe numrit aktual është një rast klasik i shkeljes së rregullores.
Autoritetet thanë se trageti po shkonte nga ishulli Batam në provincën Riau sot në mëngjes kur u fundos. (ze)